21:58 / 20.04.2018
9 202

Норасмий тақиққа учраган “Шайтанат” сериали қайта намойиш қилинади

Норасмий тақиққа учраган “Шайтанат” сериали қайта намойиш қилинади
90-йиллар охирида суратга олинган “Шайтанат” сериали ҳатто бугунгача халқнинг тилидан тушмайди, десак муболаға бўлмайди.

Ўзбекисон халқ ёзувчиси Тоҳир Маликнинг асари асосида суратга олинган сериалда 80-йиллар воқеалари, қўшиқчи Элчин ва унинг атрофидаги мафиянинг тақдири, қонли қилмишлари тасвирланган.

Ўзбекистон халқ артисти Ёдгор Саъдиев билан бўлган суҳбатда, ушбу сериал тез орада “Ўзбекистон” телерадиоканали орқали намойиш этилиши ҳақида айтди.

Эслатиб ўтамиз, “Шайтанат”да бош ролларни Ўзбекистон халқ артистлари Ёдгор Саъдиев, Ҳайрулла Саъдиев, Эркин Комилов, Лутфулла Саъдуллаев, Гулчеҳра Жамилова, Ўзбекистонда хизмат кўрсатган артист Беҳзод Муҳаммадкаримов, Раъно Шодиева каби машҳурлар ижро этишган.

Сериал Ўзбекистон Республикаси Ички ишлар вазирлиги ҳузуридаги “Қалқон” киностудияси томонидан суратга олинган. Ушбу студияга Ўзбекистон халқ артисти Ёдгор Саъдиев раҳбарлик қилади.

Дарвоқе, ўтган йилларда “Шайтанат” Ўзбекистон телеканалларида норасмий тақиққа олинган эди. Телеканаллар ушбу сериални охирги 15 йил ичида умуман эфирга узатмади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » Норасмий тақиққа учраган “Шайтанат” сериали қайта намойиш қилинади