Цукерберг 2 соат ичида 4,3 млрд долларга бойиди » Ўзбекистон янгиликлари – Zamin.uz

Цукерберг 2 соат ичида 4,3 млрд долларга бойиди

Иқтисодиёт 29-04-2016, 12:48 622
Цукерберг 2 соат ичида 4,3 млрд долларга бойиди

Facebook ижтимоий тармоғи раҳбари Марк Цукерберг NASDAQ электрон биржасида савдо очилгандан кейин икки соат ичида ўзининг бойлигини 4,3 млрд долларга ошириб олди. Бу ҳақда "Forbes" нашрига асосланиб "Kun.uz" хабар бермоқда.

Айни вақтда Цукерберг дунёнинг энг бадавлат одамлари рўйхатида 6-ўринни эгалламоқда. Унинг бойлиги 51,8 млрд долларга баҳоланмоқда.

Facebook акциялари компания 1-чорак бўйича натижаларни эълон қилгандан кейин 10 фоизга ошиб кетди. Компания даромадлари таҳлилчилар кутгандан зиёдроқ бўлди. Компаниянинг соф даромади бир йил давомида уч баробарга, яъни 1,5 млрд долларгача, тушуми эса 5,2 млрд долларгача ошган.

Бундан ташқари, ижтимоий тармоқ ўзининг фаол фойдаланувчилари сонини 15 фоизга ошириб, улар сонини 1,65 млрд кишига етказишга муваффақ бўлди.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.