Эрон санкциялар олиб ташланиши биланоқ Европага нефть етказиб бермоқчи » Ўзбекистон янгиликлари – Zamin.uz

Эрон санкциялар олиб ташланиши биланоқ Европага нефть етказиб бермоқчи

Иқтисодиёт 17-05-2015, 19:19 1 130
Эрон санкциялар олиб ташланиши биланоқ Европага нефть етказиб бермоқчи

Эрон Европа мамлакатларига расмий Теҳронга нисбатан қўлланган санкциялар бекор қилиниши билан нефть етказиб беришга тайёр. Бу ҳақда ТАСС'га асосланиб Kun.uz хабар бермоқда.

Бу ҳақда Эрон нефть вазирлиги вакили, Эрон миллий нефть компаниясининг халқаро масалалар бўйича директори Мохсен Камсари ISNA агентлигига берган интервьюсида маълум қилган.

"Эрон Европанинг нефтга бўлган эҳтиёжининг қарийб ярмини қондириши мумкин. Шартномалар спот (ҳисоб-китоблар шартнома тузилиши билан қисқа муддат ичида амалга оширилади) келишувлари асосида тузилиб, Европа мамлакатлари бошқа етказиб берувчилар билан тузилган йиллик шартномаларни якунига етказмасдан туриб улар узоқ муддатли янги келишувларни имзолай олмайдилар", — дейди Камсари.

Айни пайтда Эрон кунига 1,1 миллион баррель нефтни экспорт қилмоқда.
Аввалроқ, Эрон нефт вазири Бижан Зангане нефтнинг бир баррелини 70-75 доллардан баҳоланаётгани маълум қилинган эди.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.