Ўзбекистон Республикаси Савдо-саноат палатаси томонидан тадбиркорлик субъектлари, хусусан, палата аъзолари учун электрон гувоҳнома жорий этилди.
Фаол тадбиркорлик, инновацион ғоялар ва технологияларни қўллаб-қувватлаш йили муносабати билан татбиқ этилган ушбу электрон гувоҳномада палата аъзосининг юридик номи, ташкилий-ҳуқуқий шакли, шунингдек, палата аъзосининг солиқ тўловчининг индентификацион рақами (СТИР), гувоҳноманинг амал қилиш муддати ҳамда бошқа маълумотлар киритилган. Бу зарурат туғилганда тадбиркорлик субъектларига оид маълумотларни палатанинг электрон базасидан текшириш имкониятини беради.
— Электрон гувоҳномаларнинг афзалликлари кўп, — дейди Савдо-саноат палатаси бўлим бошлиғи Дилфуза Рўзметова. — Аввало, гувоҳномаларни онлайн тарзда эгаларига юбориш тизими яратилди. Бу тадбиркорларнинг вақтини тежайди, айниқса, чекка ҳудудлардаги корхона ва компания вакилларига, тадбиркорлик субъектларига гувоҳномани топшириш билан боғлиқ харажатларни қисқартиради. Гувоҳноманини қўлга киритиш вақти ҳам тезлашади.
Яна бир муҳим жиҳат. Гувоҳномада QR-код, палатанинг расмий веб-сайтига ҳавола, палатанинг “Call-center” рақами акс эттирилган. Бу уларни қалбакилаштиришнинг олдини олади.
Қайд этиш жоизки, гувоҳноманинг янги электрон кўриниши, биринчи навбатда, палата аъзолигига қўшилаётган тадбиркорларга ва аъзолик гувоҳномасининг амал қилиш муддати тугаган палата аъзоларига берилади. Сўнгра босқичма-босқич палатанинг барча аъзоси гувоҳномалари электрон шаклдагисига алмаштирилади.
Раҳим ШЕРҚУЛОВ
“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Эрон президенти жиддий баёнот берди: «Исроилдан ҳеч нарса қолмайди»
Германияда мактаб ўқувчилари оммавий равишда ислом динини қабул қилмоқда
