Kia компаниясы өзінің танымал XCeed кросс-хэтчбегін екінші рет жаңғыртты. Жаңартылған модель сыртқы келбеті жағынан брендтің заманауи электромобильдерінің, атап айтқанда EV3 және жаңартылған Stonic стилін бойына сіңірген. Автокөлік тігінен орналасқан LED шамдарымен, тарылтылған радиатор торымен және қайта өңделген алдыңғы және артқы бамперлермен жабдықталды. Бұл туралы Ixbt.com хабарлайды.

Салон бөлігі де айтарлықтай өзгерістерге ұшырады. Енді жүргізушінің иелігінде екі 12,3 дюймдік экраннан тұратын цифрлық кокпит, жаңа алдыңғы панель және екі спицалы рөл бар. Сондай-ақ, орталық консоль мен желдету жүйесінің дефлекторлары қайта жобаланып, басқару элементтері ыңғайлырақ етілді.

Техникалық жағынан модель дәстүрлі бензинді қозғалтқыштармен және «жұмсақ» гибридті жүйелермен ұсынылатыны расталды. Бұдан бөлек, плагин-гибридті (PHEV) нұсқасы да күтілуде. Инженерлер аспа жүйесін (подвеска) қайта баптау арқылы автокөліктің жүріс жайлылығын арттыруға қол жеткізді.

Жаңартылған Kia XCeed өндірісі 29 мамырда Словакияның Жилина қаласындағы зауытта басталады. Еуропа нарығында сатылымдар алдағы апталарда басталады деп жоспарланған, алайда бағасы әзірге жарияланбады. Модель Еуропа нарығында жаңа Kia Seltos-пен бәсекелеседі.

ХСеед — соңғы жаңалықтар