Ҳомиладор аёлларга қишки кийимлар танлаймиз » Ўзбекистон янгиликлари – Zamin.uz

Ҳомиладор аёлларга қишки кийимлар танлаймиз

Ҳаёт тарзи 11-01-2017, 07:13 621
Ҳомиладор аёлларга қишки кийимлар танлаймиз

Ҳомиладорлик пайтида ҳам қулай, ҳам иссиқ ва ҳам урф бўлган кийимларни танлаш жуда қийин. Яхшиси, мақоламизни диққат билан ўқиб чиқинг ва ўзингизга энг маъқул бўлган вариантни танланг.

Пончо ва накидкалар

Пончо ва накидкаларни ҳомиладор аёллар орзусидаги кийимлар дейиш ҳам мумкин. Улар ҳам қулай, ҳам оммабоп ва энг асосийси ҳолатингизни яшириб, қоматингизни хушбичим кўрсатади.

Пальто

Совуқ пайтда кийиладиган устки кийимларнинг кенгроқ бичимдагиларини танлаганингиз маъқул. Бу ҳомиладорликнинг кейинги даврларида ҳам бемалол ҳаракатланишга ёрдам беради.

Пар куртка (пуховик)

Агар сизга спорт услуби маъқул бўлса, ҳомиладорлик вақтида ҳам бундай кийиниш жуда қулай. Бугунги кунда айниқса пуховиклар урф бўлган. Ҳажми катта ва иссиқ пуховикларда ҳаттоки ҳолатингиз билинмаслиги ҳам мумкин.

Парка

Парка – енгил ва иссиқ мўйнали матодан кенг қилиб тикилган устки кийим сифатида ҳар доим айниқса, ҳомиладорлик даври учун энг яхши вариант ҳисобланади. Паркаларни ҳомиладор бўлмаган пайтларда ҳам бемалол кийиш мумкин, чунки кенг бичимдаги кийимлар узоқ вақтгача урфдан чиқмайди.


Zamin.uz нинг Vkontakti’даги расмий саҳифасига обуна бўлиб, янгиликлардан хабардор бўлинг.