06:07 / 18.02.2017
13 440

Нима учун Disney мультфильмларидаги қаҳрамонларнинг қўлқоплари оқ рангда? (фото)

Disney мультфильмларининг кўплаб қаҳрамонлари оқ қўлқопда тасвирланган. Бунга кимдир эътибор қилган, кимдир йўқ. AdMe нашри ана шу оқ қўлқопларга эътибор қаратди ва бунинг сабабини тушунтириб берди, деб ёзмоқда Дарё.уз.
Нима учун Disney мультфильмларидаги қаҳрамонларнинг қўлқоплари оқ рангда? (фото)

Мультфильм яратиш мураккаб ва кўп вақт талаб қиладиган жараён ҳисобланади. ХХ асрнинг 1920 йилларида жараённи осонлаштириш учун мультқаҳрамонлар ортиқча деталларсиз чизила бошланган. Қаҳрамонларнинг кўзлари ва боши катта-катта, оёқлари ҳамда қўллари ингичка ва узун тасвирланган. Аммо кутилмаган муаммолар юзага келган. Хира оқ-қора тасма қаҳрамоннинг қўл ва оёғини унинг танасидан фарқлаш имконини бермаган.

Оддий инновация бу муаммонинг ечимини топишга имкон берди. 1928 йилнинг май ойида Микки Маус иштирок этган биринчи мультфильм тақдим этилган. Ўшанда қаҳрамоннинг панжалари қоп-қора бўлган. Ярим йилдан сўнг тақдим этилган янги мультфильмда Микки оёқ кийим кийган ҳолда тасвирланган. 1929 йилда томошабинлар Миккини биринчи марта оқ қўлқоплар билан кўрган.

Кейинроқ Уолт Диснейнинг ўзи бу ҳақида таржимайи ҳолида шундай деган эди: «Биз Микки Маусда сичқон панжаларини бўлишини хоҳламадик,у инсондек бўлиши керак эди. Шунинг учун биз унга қўлқоп тақиб қўйдик.»

Мультфильм қаҳрамонлари қўлқоп кийишининг учта асосий сабаби:
  • қаҳрамонлар тасвирини яратиш жараёни самарали бўлди, чунки майда қисмларга ортиқча вақт сарфлаш керак бўлмайди;
  • рассомлар оқ-қора тасвирдаги қаҳрамонларнинг қўллари ва ҳаракатларига асосий эътиборни жалб қила олган;
  • чизилган қаҳрамонларга «инсонлик» сифатларини беришга муваффақ бўлинган.

Қўлқопларнинг ишлатилиши шунчлик муваффақиятли бўлдики, бу усулни Disney’нинг Universal Pictures ва Warner Brothers каби рақобатдошлари ҳам қўллай бошлади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ҳаёт учун » Нима учун Disney мультфильмларидаги қаҳрамонларнинг қўлқоплари оқ рангда? (фото)