КАФТИНГДАН КЎРАЙМИ Ё?..
Толмасов бир куни ўзини жуда ёмон ҳис қила бошлади. Ўйлаб ҳам ўтирмай дўхтирга борди.
— Қани, чап кафтингизни кўрсатинг-чи! — деди врач.
Толмасов кўрсатди.
— Оббо, — бош чайқади врач, — Ҳаёт чизиғингиз ўттиз ёшингизда тугаркан.
— Нима? — қўрқиб кетди Толмасов. — Энди нима қиламан, дўхтир?
— Ҳечқиси йўқ. Биз ҳозир буни тўғрилаймиз.
Врач қўлига қизил қалам олди-да, кафтдаги чизиқни узайтириб қўйди.
— Раҳмат! — деди Толмасов сал ўзига келиб. — Энди… Ҳақ масаласи… Қанча бўлади, дўхтир?
Врач унинг кафтига бир назар ташлаб олгач, сўради:
— Ойига қанча мояна оласиз?
Толмасов қизариб-бўзариб қанча олишини айтди.
— Шунақами? — врач қовоғини уйиб секин жойига ўтирди.
— Дўхтир, мендаям қолиб кетмайди. Қарздорман олдингизда. Илтимос, бир иложини қилинг!
— Яхши. Қўлингизни беринг!
Толмасов унга қўлини узатди. Врач қалам билан чизиқни янаям узайтириб қўйди.
— Қаранг-а, мана буни қобилият деса бўлади, — хурсанд бўлиб нариги қўлини узатди Толмасов. — Бунисиниям кўринг-чи!..
— Бу кафтингизда умуман чизиқ йўқ.
— Ие, энди нима бўлади?
— Билмасам.
— Дўхтир, бир нарса қилинг!.. Қарздорман…
— Бўпти, мен сизни ё жаҳлдор, ё меҳрибон одамга айлантиришим мумкин.
— Яхшиси, меҳрибонга айлантиринг!
Врач Толмасовнинг бу қўлига ҳам чизиб қўйди.
— Мана, бўлди.
— Дўхтир, аёллар… Масаласида қандай бўларканман?
— Уйланганмисиз?
— Ҳа.
— Унда… Шундайлигингизча қоласиз.
— Бошқачароқ йўли йўқмикан-а?..
— Йўқ, йўқ. Бошимни қотирманг!
— Ўлай агар, уч марталаб қарздорман олдингизда. Бир иложини қили-инг!
— Бўпти, фақат илмий томондан…
Врач унинг кафтига иккинчи чизиқни ўрнатди.
— Бўлдими?
— Бўлди.
— Дўхтир, сизга тўрт маротаба қарздор бўлайли-ик!
— Уф-ф, жонга тегдингиз-ку! Яна нима истайсиз?
— Хотинимнинг иккала кафтидаги чизиқларни ўчириб бери-инг!
Манба: Hordiq.uz “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
АҚШ элчиси: “Россия Украина пойтахтига гипертовушли ракеталар билан зарба берди”
Россиялик терговчилар терактда айбланаётганлар оиласини сўроқ қилиш учун Тожикистонга келди
Россия Украинанинг ҳарбий дрон йиғув иншоотларини йўқ қилди
Россиянинг ҳарбий операциядаги манёври Украинани ҳайратга солди
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ расмийлари: Миллионлаб америкаликлар хитойлик ҳакерлар ҳужумига учраган
Россия қўшинлари Авдеевкадаги иккита қишлоқни эгаллаб олди
Эрдўғон террорчилар ҳақида кескин гапирди