14:40 / 06.01.2018
9 330

Гўзаллик талаб қилган қурбонлик...

Гўзаллик талаб қилган қурбонлик...
Гўзаллик қурбонлик талаб қилади, дейилади. Буни Уэльснинг Рексем шаҳарчасида яшовчи Салли Робертс ўз танасида синаб кўрди. У ўзининг лабларини шишириш учун жарроҳлик амалиётини бажартирганидан кейин, унинг лаби шунчалик шишиб кетдики, у ҳатто овқат ҳам еб-ичолмай қолди, деб хабар беради Qalampir нашри.

Жарроҳлик амалиётининг кейинги куни, Робертснинг ташқи кўринишини янада чиройли қилиши керак бўлган лаблари шишиб, ёрилиб кетган. Замонавий мода талабгори лабининг ёрилган жойларидан, шифокор томонидан киритилган суюқлик сизиб чиқа бошлаган.


Робертсда лабига киритилган химиявий суюқликка нисбатан кучли аллергия бошланган. Уэльслик аёл тўғри маънода тилини йўқотиб қўйиши мумкин бўлган. Шифокорлар зудли билан оғриқни қолдирувчи, шамоллашнинг олдини олувчи ва организмда жараёнларни секинлаштирувчи дориларни ёзиб беришга мажбур бўлган. Акс ҳолда Робертсда анафилактик (шок) карахтлик бошланиши мумкин эди.

Робертс омадли экан, шифокорлар ўз вақтида ёрдам қўлини чўзишди ва жарроҳлик натижасида келиб чиқиши мумкин бўлган жиддий кўнгилсизликнинг олди олинди. Энди, Робертс барчага пластик жарроҳлигини ўтказишдан олдин керакли лаборатория таҳлилларни ўтказишни тавсия қиляпти.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Саломатлик » Гўзаллик талаб қилган қурбонлик...