Рамзан Қодиров ва тиш дўхтирлари бир-бирларини мукофотлашди

^{Фото: VKontakte}
Чеченистон раҳбари Рамзан Қодиров «Стоматологияга қўшган ҳиссаси учун» I даражали ордени билан тақдирланди. Бу ҳақда унинг ўзи хабар берди.

Қодировга мукофот Грознийдаги 1-стоматология поликлиникаси янги биноси очилиш маросимида топширилган.

Рамзан Қодиров маросимга қуруқ қўл билан бормаган: бош шифокорни Чеченистоннинг энг олий мукофоти — Қодиров ордени билан тақдирлади. Орден 750-пробали олтиндан ясалган, ёқут, сапфир ва бриллиантлар билан безалган.

^{Қодиров ордени}