Бош метеоролог ишдан олинганидан сўнг мушакбозлик бўлди

Венгрия пойтахти Будапештда байрам мушакбозлигини томоша қилишга ўн минглаб одамлар келди, деб хабар берди Euronews.

Мамлакатнинг бош миллий байрами — Авлиё Иштван куни режалаштирилган мушакбозлик, кучли ёмғир ёғиши тўғрисидаги об-ҳаво хабари сабабли, бекор қилинганди.

Бироқ ёмғир ёғмади, мамлакатнинг бош метеорологи ва унинг ўринбосари ишдан олинди. Айрим венгер амалдорлари ва халқаро экспертлар ишдан олинганларни ёқлашди.

Венгрия бош метеорологи вазифасини бажаришга петицияга имзо қўймаган бир амалдор вақтинча тайинланган.