Қозоғистон пойтахтига аввалги Остона номи қайтарилди

^{Фото: Shutterstock}
Қозоғистон президенти Қосим-Жўмарт Тўқаев мамлакат конституциясига ўзгартиришлар киритиш тўғрисидаги қонунни тасдиқлади. Бу ҳақда Қозоғистон президенти сайтида хабар берилди.

Ўзгартиришларга мувофиқ, мамлакат пойтахти Нур-Султон аввалги Остона номи билан аталади.

Яна бир асосий ўзгартиришга кўра, президент фақат бир марта етти йил муддатга сайланади.

2 сентябр куни «Жана Қозоғистон» депутатлар гуруҳи аъзолари пойтахт шаҳарга собиқ номи – Остонани қайтаришни таклиф қилишганди.

15 сентябр куни жамоатчилик пойтахт номини ўзгартиришни қўллаб-қувватлади. Шу куни парламент қуйи палатаси депутатлари пойтахт номини Остона деб ўзгартиришни маъқуллаган эди.