Тожикистон жанубида 5 магнитудали зилзила қайд этилди

Тожикистон жанубида, Афғонистон билан чегарага яқин ҳудуддаги Тоғли Бадахшонда 5 балли зилзила қайд этилди. Бу ҳақда \"Kun.uz\" хабар бермоқда.

Қайд этилишича, Тошкент вақти билан соат 02:43да маркази Ишкашим қишлоғидан 26 км шимоли-ғарбда бўлган зилзила қайд этилган. Унинг ўчоғи 113 км чуқурликда бўлган.

Зилзила талофатлари ҳақида маълумот йўқ.