Россия ва Украина ҳарбий асирлар алмашди (фото)

^{Фото: Украина президенти Telegram канали}
Россия ва Украина янги асирлар алмашинувини амалга оширди, ҳар икки томондан 100 нафардан аскар уйга қайтишга муваффақ бўлди. Бу ҳақда Украина президенти Владимир Зеленский хабар берди.

Зеленский ватанига қайтган украиналикларнинг аксарияти Мариупол ва “Азовстал” металлургия заводини ҳимоя қилганини айтиб, шу кунгача 3135 нафар украиналик Россия асирлигидан озод этилганини қўшимча қилди.

^{Фото: Украина президенти Telegram канали}
Озод қилинган рус аскарлари “тиббиёт муассасаларида даволаниш ва реабилитация қилиш учун” Москвага олиб кетилган. Бирлашган Араб Амирликлари яна воситачи сифатида қатнашган. Асирлар алмашинуви Россиянинг Украинага ракета ва дрон ҳужумларини давом эттираётган бир пайтда амалга ошмоқда.

^{Фото: Украина президенти Telegram канали}
“Яна 100 нафар украиналик уйларида. Миллий гвардия, чегарачилар, Украина қуролли кучлари. Кўпчилик Мариупол ҳимоячиларидир. Ҳаммаси ўзимизникилар, ҳамма яна она юртида”, — дейди Зеленский.

<sup>Фото: Украина президенти Telegram канали

Фото: Россия Мудофаа вазирлиги

Фото: Россия Мудофаа вазирлиги</sup>