Жоржина Роналду қачон футболдан кетишини айтиб қўйди

Криштиану Роналдунинг севгилиси Жоржина Родригес “Ан-наср” ҳужумчиси келажагига оид хабарни ошкор қилди. Жоржина 39 ёшли ҳужумчи фаолиятини қачон якунлаши ҳақидаги саволга қуйидагича жавоб қайтарди.

- Криштиану балки яна бир йил ўйнар. Шундан кейин ҳаммаси тамом бўлади. Жуда бўлмаса, икки йил ўйнаши мумкин. Ҳозир аниқ айтолмайман, - деди Жоржина Родригес.

Криштиану Роналду 2023 йилнинг январидан бери “Ан-Наср” шарафини ҳимоя қилмоқда. Бу жамоа сафида португалиялик юлдуз жами 48 та учрашувда майдонга тушиб, рақиблар дарвозасига 42 та тўп киритди ва жамоадошларига 3 та голли пас узатди.

Роналдунинг саудияликлар билан амалдаги шартномаси 2025 йилнинг ярмигача тузилган.