Қозоғистонда қанча ўзбекистонлик меҳнат қилаётгани маълум бўлди

^{Фото: Олмаота ҳокимлиги матбуот хизмати}
Қозоғистон меҳнат ва аҳолини ижтимоий ҳимоя қилиш вазирлиги мамлакатга қайси мамлакатлардан меҳнат мигрантлари келиб ишлаётганини маълум қилди.

Вазирликка кўра, Қозоғистонга меҳнат мигрантлари асосан тўрт мамлакатдан келмоқда:

Хитой — 4 123 киши
Ўзбекистон — 1 968 киши
Туркия — 1 152 киши
Ҳиндистон 1 114 киши.

2024 йил 1 июл ҳолатига, Қозоғистонда ишлаётган чет элликлар сони 14 049 нафарни ташкил этмоқда.

Улар асосан:
- қурилиш;
- қишлоқ, ўрмон ва балиқчилик хўжаликлари;
- маъмурий ва ёрдамчи хизмат;
- тоғ-кон саноати ва қайта ишлаш саноати йўналишларида фаолият юритмоқда.