Немис инструктори 93 ёшли онаси билан парашютда сакради

^{Фото: BILD}
Берлинлик парашют спорти бўйича инструктор Лутц Бирнбах 10 мингинчи юбилей сакрашини ўзгача нишонлашга қарор қилди ва онасини бирга сакрашга олиб кетди.

Лутц Бирнбах 58 ёшда, онаси Мария-Луиза 93 ёшда. Улар 4 минг метр баландликдан бирга сакрашди, деб хабар берди BILD телеграм-канали.

^{Фото: BILD}
Онахон ўғли билан тандемда 4-марта парашютда сакради. У биринчи сакрашини беш йил аввал, 88 ёшида амалга оширганди.

^{Фото: BILD}
Ўғил онасининг 95 йиллигида ҳам парашютда сакрашга олиб боришга ваъда берди.