Туркияда ит касал боласини ветеринар клиникасига олиб келди (видео)

Истанбулда дайди ит жон бераётган боласини Бэйликдузю туманида жойлашган ветеринария клиникаси эшигига олиб келди. Бу ҳақда Тurknws хабар берди.

^{Фото: Видеодан кадр}
Уларни навбатчи санитар пайқаган ва кучукчани даволашга киришган. Аҳволи оғир ва юрак уриши секинлашган ит боласи интенсив терапия бўлимига ётқизилган. Онаси эса бутун даволаниш давомида боласидан нари кетмаган.

Клиника эгаси, ветеринар Батуалп Оганга кўра, она ит бир мунча вақт олдин туққан, аммо деярли барча болалари нобуд бўлган.

“Биз уларнинг барчаси ҳалок бўлган деб ўйлагандик. Маълум бўлишича, унинг яна бир тирик акаси бор экан (уни кўнгиллилар олиб келган). Она ит сўнгги кучукчасини олиб келиб, эшик олдига қўйган. Шифокоримиз буни пайқагач, кучукчани ичкарига олиб кирган.

Кучукчанинг юраги ураётганини сездик. Уни интенсив терапия бўлимига жойлаштирдик. Айни пайтда у акаси билан бирга даволанишни давом эттирмоқда. Худога шукур, аҳволи яхши. У ҳам онаси билан бирга”, деди у.

Итнинг клиникага келгани акс этган видео кузатув камераларига муҳрланган: