Жарроҳ беморнинг талоғи ўрнига жигарини олиб ташлади
Қўшма Штатларда беморнинг талоқ ўрнига жигарини олиб ташлаган ва натижада унинг ўлимига сабаб бўлган Флоридалик жарроҳ бемаъни баҳона ўйлаб топди. Бу ҳақда New York Post хабар берди.
44 ёшли Томас Шакновски 2024 йил август ойида содир бўлган воқеа учун суд қилинмоқда. Шифокор 70 ёшли Уилям Браянни операция қилди, унинг соғлом жигарини олиб ташлади, процедура муваффақиятли бўлганини эълон қилди ва операция хонасини тарк этди. Кекса беморда қаттиқ қон кета бошлади ва Шакновскининг ҳамкасблари уни қутқара олмадилар. Апрел ойида собиқ жарроҳ беморнинг ўлимига олиб келган тиббий бепарволикда айбланди.
Суд жараёнининг бир қисми сифатида Шакновскининг 2025 йил ноябрь ойида Браяннинг бевасининг адвокатларига берган кўрсатмаси эълон қилинди. Шифокор ўз ҳаракатларини операция жуда қийин бўлгани, бемор қорин бўшлиғида қон кета бошлагани ва йўғон ичакнинг катталашгани сабабли қон кетишининг жойини аниқлашнинг иложи йўқлиги билан оқлади. \"Мен фарқни ажрата олмадим ва жуда хафа бўлдим\", деб тушунтирди Шакновски соғлом органни олиб ташлаш ҳақида.
