Видео: одамсифат юзга эга эчкини кўрганмисиз?

Аргентинанинг Сан-Луис шаҳридаги фермер хўжаликларидан бирида ноодатий кўринишга эга эчки дунёга келди. Бу ҳақда “Qalampir” нашри хабар берди.

Янги туғилган жониворнинг кўзлари олайган, тумшуқ қисми эса текис бўлиб, бир қарашда одамнинг юзига ўхшайди. Ноодатий кўринишда дунёга келган эчкининг хўжайини бунинг сабабини билмайди. У ҳам жониворни илк кўрганида ҳайратланганини ва қўрққанини яширмади.

Эчкининг боқувчиси жониворни суратга ва видеога олиб, интернетга жойлади. Бу эса омманинг қизиқишига сабаб бўлди.

Хориж манбаларида жониворни “жаҳаннамдан келган эчки”, деб аташди.
[media=https://youtu.be/H49pAbpW390]