Чеченистонда учиб кетмоқчи бўлган самолёт автомобилга урилиб кетди

Чеченистоннинг Шелковский туманидаги Червленная қишлоғи ташқарисида Rа 0508А енгил моторли самолёти учиб кетмоқчи бўлганида, йўл четида тўхтаб турган «ИЖ-2717-230» автомобилига тўқнашиб кетди, деб ёзади «Дарё» нашри.

ИИВ маълумотларига кўра, йўл-транспорт ҳодисаси «Ишчерская—Кизляр» трассасида юз берган. Воқеа натижасида учувчи жабрланган, у касалхонага етказилган.

Самолёт ва автомобилга техник шикастланишлар етган.

Айни пайтда ҳодиса юзасидан текширув олиб борилмоқда.