Kубада бир кўзли маймунсифат чўчқа дунёга келди

Кубанинг Пинар-дель-Рио провинциясида яшовчи фермернинг чўчқаси маймунсифат чўчқачани дунёга келтирди.

Маймунсифат чўчқанинг бир кўзи бўлиб, танаси жигарранг жун билан қопланган. Ғалати ҳайвон маҳаллий аҳоли ўртасида машҳур бўлди, уни томоша қилиш учун қўшни қишлоқлардан ҳам одамлар ёпирилиб келаётгани ҳақида Darakchi.uz хабар берди.

Маймунсифат чўчқачанинг қолган опа-укалари унга ўхшамайди, улар оддий чўчқачалардир. Ветеринарларнинг маълумот беришича, чўчқача генетик мутацияга учраган. Ғалати чўчқача ўзини яхши ҳис қилиб, опа-укалари билан бирга улғаймоқда.