Тадбиркор мамонт скелетини ўз офисини безаш учун сотиб олди

16 декабрда Франциянинг Лион шаҳрида номаълум тадбиркор мамонт скелетини 548 минг еврога сотиб олди. Бу ҳақда «France Press» ахборот агентлигига таяниб «Кун.уз» хабар берган.

Скелет 10 йил аввал Сибирда топилган. У Aguttes аукцион уйида сотувга қўйилган.

Скелет 3,4 метр баландликка, 5,3 метр узунликка эга. У яхши ҳолатда бўлиб, унда 80 фоиз суяк мавжуд.

Страсбурглик тадбиркор компанияси логотипида мамонт тасвири борлиги учун бу ноодатий харидни амалга оширишга қарор қилган. Тадбиркорнинг айтишича, у мамонт скелетини офиси холлида жойлаштирмоқчи.