Сургутлик эркак дорихона эшиги олдида музлаб вафот этди

Ҳодиса Нефтеюганск шаҳридаги шифохона ҳудудларининг бирида содир бўлган. Бинога кираверишдаги дорихона ёнидан совуқ уриши туфайли вафот этган эркак жасади топилди.

Айни пайтда марҳумнинг 33 ёшли Сургут фуқароси экани аниқланган. Тасдиқланмаган айрим маълумотларда эса унинг маҳаллий шифохонадаги даволанувчиларидан бири бўлгани айтиляпти.

Хабарда келтирилишича, айни пайтда Сургутда кучли аёз кузатилмоқда. Ҳодиса содир бўлган тунда шаҳардаги ҳаво ҳарорати -40 даражада бўлган.