Америка полициячилари «Lamborghini» билан пойга қилишди (видео)

Катта йўлларда спорт машинаси ёнма-ён келиб қолса «куч синашиб кўриш» истаги аксарият ҳайдовчилар учун бегона эмас. Ҳатто полициячилар учун ҳам... «Аuto.Оnliner» тақдим этган мана бу роликка қаранг: >>>ВИДЕОРОЛИК
Унда АҚШнинг Флорида штати йўл полицияси ходимлари «Dodge Charger» хизмат машинасида «Lamborghini Aventador» билан беллашишга уринишгани акс этган.

Аммо кўпчиликнинг ҳавасини келтирган бу видео полиция раҳбариятига ёқмади — департамент ички терговни бошлаб юборди.

Мазкур ролик муаллифи Дэниел Блэк ҳам полициячиларнинг хатти-ҳаракатини оқламаган. «Полициячилар тезликни меъёрдан сал ошириб юборган ҳайдовчиларни тўхтатаверишади, ўзлари эса «Lamborghini» билан қувлашмачоқ ўйнаб юришибди», — дея таъкидлаган у.

Манба: Xabar.uz