АҚШдаги ҳайвонот боғида горилла йогани ўзлаштирди (видео)

АҚШнинг Флорида штатида жойлашган Bush Gardens боғидаги Болинго лақабли горилла мураббий ёрдамида йогани ўрганди. Бу ҳақда «Дарё» хабар қилди.

Ҳайвонот боғи ходимлари томонидан эълон қилинган видеода ҳайвон йога машқларини такрорлаётгани кўринади. У ҳатто оёқларини тепага қилиб ҳам тура олади.

Боғ вакилларининг сўзларига кўра, бундай машғулот тури ҳайвонлар билан ишончли ва ижобий муносабатни шакллантиришга имкон беради, шунингдек, уларни руҳий ва жисмоний жиҳатдан ривожлантиради.