Оммабоп интернет-дўконлардан бири тиббий ниқобларни 500 доллардан сотгани аниқланди

^{Фото: Twitter}
Оммабоп Farfetch интернет-дўкони Off-White бренди томонидан ишлаб чиқарилган тиббий ниқобларни 500 доллардан 1000 долларгача сотишни бошлаганидан сўнг можаролар гирдобига тушиб қолди, деб ёзади «Korrespondent.net».

Twitter фойданувчилари интернет-дўконни қиммат нархлар учун қоралади.
Бошқа онлайн дўконларда Off-White Half Arrow Man Mask ниқобларининг нархи 55-85 долларни ташкил қилмоқда. Farfetch эса уларнинг нархини 500 долларга чиқариб юборди.

Коронавирус пандемияси даврида талаб ошган товарнинг нархи ошириб юборилишига харидорлар оммавий норозилик билдирди.
Интернет-дўконни мураккаб вазиятда пул ишлаб қолишга уринганликда айблашди. Айрим ижтимоий тармоқ фойдаланувчилари интернет-дўконнинг қилмишини жирканч деб баҳолади. Натижада Farfetch маъмурияти товарни савдодан олиб қўйди.

Wait so those off white masks are like $1,000? pic.twitter.com/ydckoueNtV

— bryanboy (@bryanboy) April 24, 2020