Коронавирусга чалинганлар учун энг хавфли кун маълум қилинди

Одатда, коронавирус биринчи ҳафтада енгил ёки ўртача ўтади. Унинг оғирлашиши, организмда цитокин бўрони касалликнинг 9-10 кунида намоён бўлади. Бу ҳақда украиналик шифокор-педиатр Андрей Пенков маълум қилди.

Унинг сўзларига кўра, аксарият ҳолларда айни шу вақтда касалхонага ётқизиш талаб қилинади.
«Цитокин бўрони касалликнинг биринчи ҳафтасидан сўнг бошланади — касалхонага ётқизиш керак бўладиган давр ҳам кўпинча айни шу вақтда зарур бўлади. 9-10 кунда коронавирусга чалинган беморда нафас қисилиши, ўткир нафас етишмовчилиги синдроми кузатилади. Бу бактериал жараёнлар эмас, балки иммунитет тизимининг ҳаддан ташқари реакцияси ҳисобланади», дейди шифокор.