Грузия президенти Саакашвилини ҳеч қачон афв этмаслигини айтди

^{Фото: EPA}
Грузия президенти Саломе Зурабишвили собиқ президент Михаил Саакашвилини ҳеч қачон афв этмаслигини айтди.
\"Собиқ президентни афв этиш борасида менинг позициям аниқ ва ўзгармайди – йўқ ва ҳеч қачон. Бу масалага бошқа қайтмайман\", - деди у.

Унинг сўзларига кўра, Саакашвили сиёсий маҳбус ҳисобланмайди. \"Собиқ президент на сиёсий маҳбус, на бегуноҳ қурбон талабига жавоб беради. У мамлакатга ўз ихтиёри ва ноқонуний йўл билан келган. Унинг келишдан мақсади беқарорлик чиқариш бўлган\", - деди Зурабишвили.

Айни вақтда Саакашвили Рустави шаҳридаги қамоқхонада ушлаб турилибди. У Грузияга қайтгандан кейин 1 октябрда ҳибсга олинганди. Ўшандан бери собиқ президент ҳибсга олинишига норозилик сифатида очликни давом эттирмоқда.

Саакашвили ватанида бир қатор жиноий ишлар бўйича максимал 6 йиллик қамоқ жазосига маҳкум қилинган. 20 октябрда унга яна бир айблов – Грузия чегарасини ноқонуний кесиб ўтиш айблови билдирилган.

Сиёсатчи айни вақтда Украина фуқароси ҳисобланади.