Россиядан Ўзбекистонга нималар импорт қилинмоқда?

Давлат статистика қўмитаси Ўзбекистонга жорий йилнинг январь-октябрь ойларида Россиядан импорт қилинган айрим турдаги озиқ-овқат маҳсулотлари ҳажмини эълон қилди.

Улар қуйидагилар:
- маргарин маҳсулотлари – 97,1 минг тонна;
- ўсимлик ёғи – 34,4 минг тонна;
- какао ва шоколад – 26,3 минг тонна;
- буғдой – 21,1 минг тонна;
- картошка – 15 минг тонна;
- буғдой уни – 12,5 минг тонна;
- сут маҳсулотлари – 11,7 минг тонна;
- парранда гўшти – 4,5 минг тонна;
- балиқ ва денгиз маҳсулотлари – 4 минг тонна.

Эслатиб ўтамиз, жорий йилнинг январь-октябрь ойларида Ўзбекистон 106 та давлатдан қиймати 2,8 млрд долларга тенг бўлган озиқ-овқат маҳсулотларини импорт қилган. Россия импортда юқори улушга эга бўлган давлатлардан бири бўлган (24,1 фоиз).