Харидорларга кешбэк беришда чегаравий миқдор ўрнатилди

1 фоиз кешбэк олишда чегаравий миқдор ўрнатилди. Бу ҳақда Солиқ қўмитаси хабар бермоқда.

Қайд этилишича, Президентнинг жорий йил 10 январдаги ПҚ-13-сон қарори билан билан айрим норматив-ҳуқуқий ҳужжатларга ўзгартириш ва қўшимчалар киритилган.

Жумладан, 2024 йил 1 январдан харид суммасидан 1 фоиз кешбэк олишда ойлик харид суммасига чегаравий миқдор (БҲМнинг 60 баравари) ўрнатилди.

Яъни, энди харидорлар 1 январдан ойига энг кўпи билан БҲМнинг 60 баравари (айни кундаги миқдор – 20,4 млн сўм)гача бўлган харид суммасидан кешбэк олишлари мумкин.

Корпоратив карталар орқали сотиб олинадиган товарлар учун эса кешбэк бериш бекор қилинди.