Artel Россияга ўз маҳсулотини экспорт қилади

Artel савдо маркаси яқин орада Россияга маиший техника маҳсулотлари етказиб беришни йўлга қўйишни режалаштирмоқда.

Россияга экспорт қилинадиган маҳсулотлар ошхона, уй ва офис учун мўлжалланган маиший техника маҳсулотларидан иборат. Унинг ассортиментига дазмоллар, совуткичлар, микротўлқинли печлар, электр чойнаклар, миксерлар, блендерлар ва бошқа турдаги кўплаб ускуналар киради.

Бу маҳсулотлар яқинда Москвада бўлиб ўтган Home Appliances. Design & Technologies 2015 маиший техника кўргазмасида намойиш этилди.