Доллар ва евро курси пастга “шўнғимоқда”

Бугун, 25 сентябрь куни Ўзбекистон Республикаси Марказий банки АҚШ долларининг сўмга нисбатан янги курсини белгилади.

Ушбу курс ўтган ҳафтада Ўзбекистон Республикаси валюта биржаси томонидан олиб борилган савдолар натижасига кўра ўрнатилган.

Курс ўтган ҳафтада ўрнатилганига нисбатан 10,52 сўмга арзонлашган бўлиб, 8066,96 сўмни ташкил этган.

Ушбу ҳафтада евронинг сўмга нисбатан курсида ҳам тушиш кузатилган бўлиб, у 9626,30 сўм қилиб белгиланди.