Россия банклари валюта айирбошлашни тўхтатиб қўйди

Россия банклари нақд ва нақд бўлмаган валюта айирбошни тўхтатмоқда, Бу ҳақда “Gazeta.ru”га асосланиб “Kun.uz” хабар бермоқда.

Бу авваламбор мизожларнинг фойдасини кўзлаб қилинмоқда. “Курс бунчалик пасайганидан сўнг қачондир ўзини тиклаши керак. Евро 100 рублга тенг бўлиши мумкин эмас. Биз вазиятни ўрганиб чиқмоқдамиз. Бироқ курснинг бундай беқарорлиги яна бир неча кун давом этиши кутилмоқда”, – дейди йирик банклардан бирининг ходими.

Куннинг биринчи ярмида банклар валютани сотиб олиш ҳамда сотиш ўртасидаги доимий 50 тийинлик фарқни 10-15 рублга оширди.