Донецкка биринчи инсонпарварлик ёрдами етказилди

Донецк ҳудудига БМТ томонидан 62 тонна миқдоридаги илк инсонпарварлик ёрдами олиб келинди. Бу ҳақда БМТнинг инсонпарварлик масалалари бўйича бошқармасига асосланиб, ТАСС хабар бермоқда.

“БМТ Украинага 62 тонна инсонпарварлик ёрдами етказиб берди. Бу ёрдам асосан, гигиена воситалари, иссиқ кийимлар, қуритилган сут, ичимлик суви, тиббий дори-дармон ва бошқа озиқ-овқат маҳсулотларидан иборат”, – дейилади хабарда.

Бу инсонпарварлик ёрдами БМТнинг қочқинлар бўйича комиссариати, ЮНИСЕФ ва Бутунжаҳон соғлиқни сақлаш ташкилоти бўлимлари томонидан тўпланган.

Манба: www.kun.uz