Қашқадарёда «кўча зўрлари» пайдо бўлгани ҳақидаги хабарга муносабат билдирилди

Ижтимоий тармоқларда Қашқадарё вилояти Қарши туманида бир неча фуқаролар жанжали акс этган видеолавҳа тарқалди. Вилоят Ички ишлар бош бошқармаси ҳолатга муносабат билдирди.

Қайд этилишича, 3 май куни соат тахминан 13:00 ларда Қарши тумани «Боғобод» қишлоғи ҳудудида жойлашган Star Oil автомобилларга ёқилги қуйиш шохобчасида фуқаролар Р.Ҳ., А.Ф., И.Ф.лар ўртасида ўзаро келишмовчилик келиб чиққан.

Ҳозирда мазкур ҳолат юзасидан Қарши тимани ИИБ томонидан терговга қадар суриштирув ҳаракатлари олиб борилмоқда. Текиширув якуни билан қўшимча ахборот берилади.