Гувоҳсиз никоҳланса бўладими?

CАВОЛ:

Йигит билан қиз Аллоҳ таолонинг гувоҳлигида ўзларини ўзлари никоҳ қилса бўладими?

ЖАВОБ:

Йўқ, бўлмайди. Никоҳ боғланиши учун эр ва аёл тарафидан \"ийжоб ва қабул\" пайтида инсонлардан бўлган шаръий гувоҳлар (икки эркак ёки бир эркак ва икки аёл) бўлиши ҳамда улар эр-хотинлар каби ийжоб ва қабулни эшитиши зарур. Мазкур гувоҳлар бўлмаган ҳолатда, эркак ва аёл Аллоҳ ва унинг фаришталари гувоҳлигида никоҳлана олмайди. Валлоҳу аълам.

Манба: Ўзбекистон мусулмонлари идораси Фатво маркази