Арзонлаштирилган савдо ярмаркалари давом этмоқда
Ўзбекистон Республикаси Бош прокуратураси ҳузуридаги Мажбурий бюроси Тошкент шаҳар бошқармаси томонидан 1 июнь “Халқаро болалар куни” арафасида жорий йилнинг 19 май куни “Фарҳод деҳқон бозори” ҳудудида арзонлаштирилган товар моддий бойликлар ярмаркаси ташкиллаштирилди.
Ярмаркада Ўзбекистон Республикаси Вазирлар Маҳкамасининг 15 июль 2009 йилдаги 200-сонли қарори билан тасдиқланган “Давлат даромадига ўтказиладиган мол-мулкни олиб қўйиш, сотиш ёки йўқ қилиб ташлаш тартиби тўғрисида”ги Низом талабларига асосан жами 200 та ижро ҳужжатлари юзасидан давлат даромадига ўтказилиши белгиланган 1 млрд. сўмдан ортиқ бўлган товар моддий бойликлар савдога олиб чиқилди.
Ташкил этилган ярмаркада истеъмолчиларнинг эҳтиёжлари ҳамда бозор талабидан келиб чиқиб, болалар ва катталар кийим-кечаклари, маиший техника воситалари, озиқ-овқат маҳсулотлари, парфюмерия ва косметика маҳсулотлари ва бошқа турдаги товар моддий бойликлар сотувга қўйилди.
Ўтказилган ярмарка савдоларида жами 200 та ижро ҳужжатлари бўйича 200 млн. сўмдан ортиқ товар-моддий бойликлар сотилди.
Арзонлаштирилган ярмарка савдолари давом этади.
Мавзуга оид янгиликлар
Маълумот Меҳмон гуруҳидаги фойдаланувчилар ушбу мақолага изоҳ қолдира олмайди.
