Ўзбекистонликлар Польшага ишга таклиф қилинмоқда

Ўзбекистонликлар Польшадаги ойна ишлаб чиқариш соҳасига ишга таклиф этилади, деб хабар бермоқда Ташқи меҳнат миграцияси агентлиги ахборот хизмати.

Маълум қилинишича, иш тури: ойна ишлаб чиқариш соҳасида ёрдамчи ишчи. Қуйидаги имкониятлар тақдим этилади:

• иш ҳақи: 903 АҚШ доллари (солиқлар ушлангандан кейин);
• иш вақти: 8 соат (ҳафтасига 40 соат) + сменаларда ишлаш имкони мавжуд;
• тиббий суғурта иш берувчи ҳисобидан.

Талаблар:

• 18 ёшдан 45 ёшгача;
• электр жиҳозлар билан ишлаш қобилияти;
• рус тилида эркин сўзлаша олиш;
• жиноий жавобгарликка тортилмаганлик;
• Ўзбекистондан четга чиқишга тақиқ йўқлиги.

Рўйхатдан ўтиш

Иш ўринлари сони чеклангани сабабли рўйхатдан ўтиш 500 нафар номзод рўйхатдан ўтгунга қадар давом этади.