Ўзбекистонликлар Туркияга ишга таклиф қилинмоқда

Ўзбекистон фуқаролари Туркиядаги меҳмонхона ишларига таклиф этилмоқда. Бу ҳақда Ташқи меҳнат миграцияси агентлиги ахборот хизмати хабар берди.

Унга кўра, иш тури — меҳмонхона ишчиси, санитария ходими ва рўйхатхона ишчиси (reception). Ходимларга қуйидагича имкониятлар тақдим этилади:

• иш ҳақи: 18 000 Туркия лираси (595 доллар, солиқлар тўлангандан кейин);
• иш вақти: 5 кун 8 соатдан (бир суткада 3 та сменанинг бирида ишлаш);
• консуллик йиғимидан ташқари барча харажатлар иш берувчи ҳисобидан.

Шунингдек, номзодларга қуйидаги талаблар қўйилган:

• 19 ёшдан 40 ёшгача;
• тажрибага эга бўлиш;
• турк, рус ёки инглиз тилида intermediate (B2) даражада сўзлаша олиш;
• судланмаганлик;
• хорижга чиқишга тақиқ йўқлиги.

Рўйхатдан ўтиш.

Эслатма: 600 нафар фуқаро рўйхатдан ўтгандан кейин тўхтатилади.