11-синф ўқувчиси отасининг машинасида ушланди

Тошкентда ота-онасининг автомашинасини ҳайдаган мактаб ўқувчиси қўлга олинди, деб Nova24.uz сайти хабар берди.

Маълумотларга кўра, Чилонзор туманида жойлашган 188-мактабнинг 11-синф ўқувчиси ҳайдовчилик гувоҳномаси ва транспорт ҳужжатларисиз автомобилни бошқарган.

Ҳуқуқни муҳофаза қилувчи органлар томонидан у тўхтатилган ва автомашина жарима майдонига юборилган.

Ёш йигит ва унинг қонуний вакили билан профилактика суҳбати ўтказилган ва тегишли ҳужжатлар расмийлаштирилган.