Сирдарёда 24 ёшли она уч эгизакни дунёга келтирди

Сирдарё вилояти Боёвут туманидаги “Бунёдкор” маҳалласида яшовчи 24 ёшли аёл Республика она ва бола саломатлиги илмий-амалий маркази Сирдарё филиалида кесарча операция орқали соғлом фарзандли бўлди.

• Маълумотларга кўра, эгизаклардан биринчиси — ўғил, вазни 1,92 кг, иккинчиси ҳам ўғил, оғирлиги 2,71 кг, учинчиси эса қиз бўлиб, 2,83 кг билан туғилган.

Шифокорлар она ва чақалоқларнинг аҳволи қониқарли эканини маълум қилди. Ҳозирда улар тиббиёт мутахассислари назоратида.