Андижондаги туманда тўртта сектор раҳбари ишдан кетди

Андижон вилояти Избоскан туман ҳокими, прокурори, ИИБ ва ДСИ бошлиқлари ишдан олинди. Бу ҳақда \"Qalampir.uz\" сайти хабар берди.

Айни дамда уларнинг ўрнида вақтинча ўринбосарлар ишлаб турибди. Янгилари ҳақида маълумот йўқ. Бугун вилоят бўйича видеоселектор йиғилиши ўтказилиши режалаштирилган.

Бугунги кунда бирор вилоят ё туманда лоқайдлик ва масъулиятсизликка қўл қўйилса, фақат ҳоким эмас, балки тўртта сектор раҳбари бирданига ишдан олинмоқда. Бу жамоавий жавобгарлик ҳисобланади.