Талабалар шаҳарчасида «Миллион»нинг баннери қулади: талабалар зўрға қочишга улгурган (фото)

Бугун Ўзбекистон Миллий университети дарвозаси олдида «Миллион» жамоасининг реклама баннери қулаб тушган. Бу ҳақда университет талабаси «Xabar.uz»га маълум қилди. Айтилишича, баннер талабалар дарсга келаётган вақтда қулаган, талабалар зўрға қочишга улгуришган.

«Турон24»нинг ёзишича, «Ёшлик» талабалар шаҳарчаси ҳокимияти мутахассиси вазият назоратга олинганлиги, университет атрофидаги бошқа реклама баннерлари ҳолати жиддий ўрганилиши ва керакли чоралар кўрилишини маълум қилган.