МИБ ёрдами билан ходим ишга тикланди

Қайд этилишича, Н.А тумандаги 34-умумтаълим мактабдан ғайриқонуний равишда ишдан бўшатилган. Фуқаро мажбурий “таътил ” учун иш ҳақи ва маънавий зарарни ундириш тўғрисида фуқаролик ишлари бўйича Чуст туманлараро судига ариза билан мурожаат қилган. Суд ишни фуқаро фойдасига ҳал қилган.
Суднинг ҳал қилув қарори МИБ Тўрақўрғон туман бўлими иш юритувига олиниб, ижро ҳаракатлари олиб борилди. Натижада фуқаро ўз иш ўрнига қайта тикланди.