Ёзёвонда «ГАЗ-53» автомашинаси ёниб кетди

21 май куни А.Ҳ бошқарувидаги «ГАЗ-53» русумли юк автомашинасида Ёзёвон туманида ҳаракатланиб кетаётган вақтида газ ёқилғиси узатмасида юзага келган техник носозлик сабабли автомашинада ёнғин келиб чиққан.

Ҳайдовчининг бир ўзи мазкур ёнғинни бартараф этишга ҳаракат қилган вақтида куйиш жароҳатини олиб, шифохонага мурожаат қилган.
Ёнғин тегишли куч воситалар ёрдамида бартараф этилган. Мазкур ҳолат Ёзёвон туман ИИБ ҳамда туман ФВБ ходимлари томонидан текширилмоқда.