Навоий шаҳар суди судьялари билан мактаб ўқувчилари ўртасида учрашув ўтказилди

Жиноят ишлари бўйича Навоий шаҳар судининг судьяси А.Авезов, Ў.Ҳайдаров ва С.Болтаевлар иштирокида 02.02.2021 йилда Навоий шаҳрида жойлашган 6-сонли умумий ўрта-таълим мактаби ўқитувчи ва ўқувчилари билан йиғилиш ўтказилиб, унда шаҳар судининг судьялари сўзга чиқиб вояга етмаган ёшлар ўртасида жиноятчиликни олдини олиш ва ҳозирги кунда долзарб бўлган масалалар юзасидан тегишли тушунтиришлар берилди.

Бундан ташқари ҳозирги кунда олиб борилаётган оқилона сиёсатнинг пировард мақсадларидан бири ёшларга яратиладиган шароитлар эканлигини, Ўзбекистон Республикаси Президентининг 2020 йил 29 декабрдаги Олий Мажлисга мурожаатномаси юзасида савол-жавоб тарзида ёшларнинг бугунги сиёсатга муносабати қандай эканлиги тўғрисида фикрлар алмашилди.