Психология таълим йўналишлари бўйича қабул параметрлари 30 фоизга оширилади

Ўзбекистон олий таълим муассасаларида психология таълим йўналишлари бўйича қабул параметрлари 30 фоизга оширилади. 
Адлия вазирлиги маълумотига кўра, 2021/2022 ўқув йилида:

• олий таълим тизимида физика фанлари соҳаларга мослаштирилган ҳолда ўқитилади;
• республика олий таълим муассасалари биология йўналишларининг 3- ва 4-курсларида таҳсил олаётган иқтидорли талабалар таркибидан алоҳида гуруҳларда чуқурлаштирилган ўқитиш амалиёти йўлга қўйилади;
• психология соҳасидаги таълим йўналишлари бўйича давлат буюртмаси асосидаги қабул параметрлари 30 фоизга оширилади;
• кимё ва биология йўналишларида кадрлар тайёрлаётган барча олий таълим муассасалари мактаб битирувчи синф ўқувчилари ўртасида кўп босқичли (туман (шаҳар) – вилоят – ОТМ) кимё ва биология фани бўйича ўзининг олимпиадасини ўтказади ва 1—3-ўринларни эгаллаган ўқувчиларни олий таълим муассасасининг маблағлари ҳисобидан имтиҳонсиз ўқишга қабул қилади.