Ёши катталар тушунди ва оила ярашди

Бюронинг Учкўприк туман бўлими иш юритувида фуқаролик ишлари бўйича Қўқон туманлараро судининг ижро варақасига асосан О.Собировдан Ш.Собирова фойдасига бир нафар вояга етмаган фарзанди учун алимент ундириш тўғрисидаги ижро ҳужжати мавжуд.

Иш ҳужжатларига кўра, эр-хотин ҳали ёш, ўртадаги фарзанд эса ота-она меҳрига ҳали тўймаган. Ижро иши бўйича нафақат қарздор-ундирувчи, балки бобо-бувилар ҳам таклиф этилиб ўтказилган суҳбат, тушунтириш ишлари натижасида оила яраштирилди.

Мажбурий ижро ҳаракатларига олиб боришга эҳтиёж қолмади, ижро ҳужжати тамомланди.