Хамдам Собиров нимани топди ва нимани йўқотди?
Хонанда Хамдам Собиров интервюларидан бирида ўз ижодий йўли ва шоу-бизнесдаги ҳаёти ҳақида самимий фикрлар билдирди. Унга “Шоу-бизнесда топган энг катта бахтингиз нима?” деган савол берилганда, хонанда иккиланмай: “Мухлисларнинг меҳри”, дея жавоб берди.
Унинг таъкидлашича, ҳар бир санъаткор учун мухлислар эътибори ва меҳридан ортиқ бойлик йўқ:
“Менимча, ҳар бир ижодкор учун мухлисларнинг меҳрини қозониш энг катта бахт ҳисобланади”, — деди у.
Суҳбат давомида хонандага яна бир ўйлантирувчи савол берилди: “Йўқотганингиз нима бўлди?” Бу сафар Хамдам Собиров қисқа, аммо чуқур маъноли жавоб қайтарди: “Тинчимни”.
Бу жавоб санъат йўлида эришилган муваффақиятлар ортида катта меҳнат, масъулият ва баъзан шахсий хотиржамликдан воз кечиш ҳам борлигини яна бир бор эслатади.
